书店一条街
作者／责任者：闻歌
索取号：
文献资料来源：信息时报-A11
周末行过北京路，来咗一两年冇去嘅古籍书店逛下。书店门口，刚好搞紧个老字号一条街四周年展销活动。入到书店，一种旧时风味扑面而来，除咗书系新嘅之外，书柜仲系当年嘅书柜，书画册、线装书、古籍集……相对于外边嘅墟撼，呢度格外宁静，行街嘅人逛下书店，定有一种喧嚣之后嘅惬意。
好多人都知北京路系商业步行街，但未必人人知道呢度亦系书店街。喺短短几百米就有五间，唔少仲有段古。譬如科技书店，一百几年前系商务印书馆广州嘅分馆，唔单只卖书，仲出书。联合书店就系当年中华书局分局，呢两家直到加阵仲系大名鼎鼎嘅出版社。历史记载，喺民国初年，北京路（原名永汉北路）就系出咗名嘅“书店街”，书局成行成市。后尾虽然搬迁或者执笠，不过书香传统直到今日仲传承紧。
生活需要平衡，当你行喺商业街度，喺繁华嘅叫卖声中，偶尔匿入书店，静落来翻一两页书，咁先叫享受。况且，顾客嘅需求有万千种，有书店喺商业区搭配，就好似万绿中间一两点
下一页>>
广州市越秀区图书馆版权所有。
联系电话：020-87673002
本站访问人数：